تغميسه الجبنه القريش
دى فكره حلوة اوى اوى للى بيحبو الجبنه القريش و اللى مبيحبش كمان لانها بتغير طعمها تماما بتخليه كريمى اوى و سهله الفرد و نقدر كمان نتحكم انها تكون خفيفه او تقيله
و المقادير مش كتير
و المقادير مش كتير
جبنه قريش و ممكن تضيفو اى نوع جبن معاها يعنى ممكن حتى نضيف معلقه جبنه قديمه
معلقتين زيت اى نوع عباد ذره زتون و افضل افضل حاجه زيت الكتان اللى هو زيت الحار لانه مفييييد كتييير للكبد بيخليه اكفأ و يكسر الدهون و يطرد السموم و يعتبر من زيوت الاوميجا 3 يعنى لايت و مناسب موت للى بيعملو رجيم زيي
و ممكن اى اضافات تحبوها زى مثلا زعتر سمسم حبه البركه فلفل او شطه بابريكا او حتى طحينه توم او بصل روز مارى ريحان كل الى بتحبوه حطوة بس بكميات بسيطه عشان الطعم ميتغيرش كتير و يبقى اوفر اوك
و يفضل كمان نحط اضافه او اتنين بس مش عشان عندنا كل الاضافات نحطها كلها لا لا نختار اكتر حاجه بنحبها و بس اوك
عشان ابقى خلصت ضميرى
و يفضل كمان نحط اضافه او اتنين بس مش عشان عندنا كل الاضافات نحطها كلها لا لا نختار اكتر حاجه بنحبها و بس اوك
عشان ابقى خلصت ضميرى
زى ما فى الصوره بنحط اللى عايزينه على بعض و نخلط شوفتو سهله ازاى انا حاطه الجبنه و زيت حار بس
بعد لفتين ندوق و نظبط الملح و الحاجات
و انا ضفت زيت كمان بس نباتى و شطه ناعمه
لو عايزين ناعمه اكتر و مش عايزين نزود زيت ممكن نضيف ماء بسيط
خدوا بالكو الجبنه لو زودنا الزيت بتطرده زى كده
انا هنا زينت بسمسم و مضفتوش جوه
هنا ضفت شطه و بابريكا و زعتر و لطيفه فى فطار او عشا مع اى خضار فى التلاجه او مقرمشات و زتون تحفه
رغم ان الفكره بسيطه اوى لكن بجد بتفرق كتير
بجد جربوها على ضمانتى حتى لو فى خرطه واحده
سلام بقى
